Старшыня непрызнаванага ўладамі Саюза палякаў на Беларусі Мечыслаў Яскевіч прысуджаны да штрафу, памер якога складае 40 базавых велічыняў, або чатыры мільёны беларускіх рублёў. 82-гадовая Вераніка Себасцьяновіч аштрафаваная на 25 базавых велічыняў. 

Сябры Саюза беларускіх пісьменнікаў ушанавалі памяць Васіля Быкава ў дзень яго нараджэння. 19 чэрвеня народнаму пісьменніку Беларусі споўнілася б 89 гадоў. На Усходнія могілкі ў Менску, дзе пахаваны Быкаў, прыйшлі яго сябры і палечнікі, удава Ірына Міхайлаўна.

У Еўрапарламенце абмеркавалі сітуацыю з беларускімі незалежнымі медыя. У Еўрапарламенце заслухалі даклады галоўнага рэдактара сайта charter97.org Наталлі Радзінай, кіраўніка рэдакцыі інфармацыйных праграм тэлеканала «Белсат» Аляксея Дзікавіцкага і дырэктара «Радыё Рацыя» Яўгена Вапы.

У Віцебскім абласным судзе пачаўся чацвёрты дзень так званай «шпіёнскай справы» Андрэя Гайдукова. Суд па-ранейшаму закрыты. Паводле абласной каардынатаркі БХД Таццяны Севярынец, пасяджэнні будуць праходзіць штодзённа да 21 чэрвеня. Адвакат Гайдукова паведаміў, што задаволена хадайніцтва абароны пра прыцягненне да працэсу ў якасці сведкі маці Гайдукова.

Спіс наведвальнікаў палітвязня Паўла Севярынца за два з паловай гады аказаўся вельмі ўнушальным. Палітыкі, журналісты, краязнаўцы, вернікі розных канфесій з розных гарадоў Беларусі дапамагалі яму перанесці ўсе цяжкасці няволі, кажа Павел Севярынец.

«Вялікіх спрэчных пытанняў паміж Украінай і Беларуссю няма і не павінна быць. Але кіраўнікам краінаў – Віктару Януковічу і Аляксандру Лукашэнку – трэба больш размаўляць з народам перад такімі сустрэчамі», – лічыць намеснік старшыні Партыі БНФ Рыгор Кастусёў. Паводле яго, найперш трэба ўлічваць простыя інтарэсы грамадзянаў.

У Менску адбылася вечарына з цыклу "Мы не забудзем", прысвечаная знікламу 16 верасня 1999 года беларускаму палітыку Віктару Ганчару. Гэтае мерапрыемства арганізаванае Маладымі хрысціянскімі дэмакратамі. Па словах сустаршыні Беларускай хрысціянскай дэмакратыі Віталя Рымашэўскага, вечарыны пра зніклых палітыкаў трэба праводзіць дзеля іх памяці.

Аляксандар Лукашэнка не ў стане пераканаць кіраўніцтва Украіны ў неабходнасці змены накірунка развіцця гэтай дзяржавы з еўрапейскага на еўразійскі, -- лічыць кіраўнік грамадскай ініцыятывы "Гавары праўду" Уладзімір Някляеў. Так ён ацаніў візіт кіраўніка Беларусі ў Кіеў і яго перамовы з прэзідэнтам Украіны Віктарам Януковічам.

У Бабруйскім гарвыканкаме паднялі тэму траўмавання на дзіцячых пляцоўках. У сувязі з гэтым усплыла тэма дзіцячай пляцоўкі на вуліцы Інтэрнацыянальнай, асноўную частку якой заняло будаўніцтва крамы.

“Нам усім пашчасціла жыць у Быкаўскія часы. І так яны і будуць узгадвацца ў гісторыі”, - сказаў паэт і кіраўнік грамадскай ініцыятывы "Гавары праўду" Уладзімір Някляеў. Паводле яго, Беларусь, насуперак усім выпрабаванням, ідзе шляхам, які паказаў менавіта Васіль Быкаў.

Баранавіцкія міліцыянты ігнаруюць пешаходныя пераходы. Да такой высновы прыйшоў грамадскі актывіст Мікола Чарнавус, калі паназіраў за пешаходамі ў пагонах.

Актывісты сустрэліся са старшынём Магілёўскага гарадскога Cавета дэпутатаў Фёдарам Міхеенкам. Асноўнай мэтай візіту стала перадача яму каля сотні подпісаў магілёўцаў пад зваротам да гарадскіх уладаў разгледзець пытанне пра забарону рэалізацыі ў горадзе пладова-ягадных вінаў і грамадскага абмеркавання пытання барацьбы са злоўжываннем алкаголю. 

На бярозаўскім рынку садавіну і гародніну можна купіць па розных цэнах. Кошт вар'іруецца ў залежнасці ад якасці, але нават нягледзячы на гэта яна далёка не ўсім даступная, кажуць людзі. 

Рэчаіснасць перакрэслівае аптымістычныя заявы ініцыятараў стварэння Мытнага саюзу пра новыя рынкі збыту для беларускіх тавараў. Затаваранасць складоў прадпрыемстваў Беларусі знайшла сваё адлюстраванне і ў статыстыцы гандлю паміж сябрамі Мытнага саюзу — Расіяй, Беларуссю і Казахстанам.

Рэальны памер прызначаных пенсій у траўні, у параўнанні з траўнем мінулага года, павялічыўся на 12%, у параўнанні з красавіком гэтага года — зменшыўся на 0,5%.

Для знішчэння Слонімскага сховішча пестыцыдаў не хапае каля 600 тысячаў даляраў. На ліквідацыю небяспечнага могільніка ўжо пайшло 3 мільёны даляраў у рамках міжнароднага праекту тэхнічнай дапамогі і 13 мільярдаў рублёў са сродкаў бюджэту. 

Фестываль «Адчуй Бразілію» пачынаецца ў Менску 20 чэрвеня. У праграме – семінары па капуэйры, вулічныя выступленні, выстава дзіцячых малюнкаў. 22-га фестываль скончыцца вечарынай самбы ў Лофт-кафэ.

Цыкл песень Шуберта ў Белдзяржфілармоніі праспяваюць польскія выканаўцы. Дыск “Прыгожая млынарка” быў прызнаны лепшым вакальным альбомам 2012 года ў Польшчы.

Міхала Пякарскага, які хаця не чуе і не размаўляе, у час пісання іконаў заўсёды суправаджае царкоўная музыка. У галерэі імя Тамары Саланевіч у Нараўцы адкрылася выстава маладога іканапісцы, які завершыў навучанне ў Бельскай іканаграфічнай школе.

Абласны цэнтр наведала выяздная Рада Міністэрства культуры. Ад іх рашэння залежыць, ці будуць захаваныя ўнікальныя драўляныя дамы канца 19 - пачатку 20 стагоддзя.

Праект закона пра ветэранаў і некаторых асобаў, якія сталі ахвярамі рэпрэсій ваеннага і пасляваеннага часу, сёння разгледзелі ў польскім Сейме. Праект адхілены ў першым чытанні – паведаміў дэпутат Яўген Чыквін. Камісія па сацыяльных пытаннях амаль поўнасцю падтрымала пазіцыю ўраду Польшчы і Генеральнай пракуратуры, якія далі негатыўную ацэнку праекту закона.

У польскую сталіцу прыбылі прадстаўнікі ўкраінскага Камітэта міжнацыянальнага прымірэння. Яны заклікаюць палякаў выпрацаваць адзіную пазіцыю ў справе Валыні. Украінцы стварылі камітэт сёлета ў красавіку з мэтай прыняць сумесную заяву пра прымірэнне паміж Польшчай і Украінай напярэдадні святкавання падзеяў на Валыні.

Канферэнцыя пра Беларусь па-ангельску пад назвай «Беларусь сёння» абдудзецца ў Варшаве. Студэнтам, якія займаюцца любымі аспектамі сучаснага беларускага грамадства, палітыкі ці культуры, прапануецца прадставіць свае тэзісы. У дыскусіі прымуць удзел вядомыя і менш знаныя прадстаўнікі беларускай і польскай моладзі, сярод якіх паэтка Валярына Кустава.

Міжнародны беларускі турыстычны злёт адбудзецца ў Варшаве. Арганізатары прапануюць супольную вячэру каля вогнішча пад гітару і спевы, спаборніцтвы ў камандах: паласа перашкодаў, выпрабаванні на хуткасць, турнір па міні-футболе і іншае. А таксама традыцыйнае святкаванне Купалля: пляценне вянкоў, спевы, гульні, скокі праз вогнішча і пошук папараць-кветкі.

Галоўны трэнер гарадзенскай "Алімпіі" Аляксандр Шымкавяк пракаментаваў гульню зборнай Беларусі на Еўрабаскеце-2013, адзначыўшы, што каманда павінна выходзіць у 1/4 фіналу з другога месца.

Прадстаўнікі зборнай Беларусі па фехтаванні пакуль не змаглі заваяваць узнагародаў чэмпіянату Еўропы, які праходзіць у харвацкім Заграбе. Бліжэй за ўсіх да п'едэстала гонару ў асабістых спаборніцтвах рапірыстаў апынуўся Сяргей Бык.

"Ак Барс" назваў прозвішчы пачаткоўцаў каманды. У спіс трапілі канадскі абаронца Шон Хешка, а таксама форварды чэх Томаш Вінцоўр і амерыканцы Крыс Бурк і Цім Стэплтан.

У перыяд з 21 па 23 чэрвеня ў Бабруйску пройдзе чэмпiянат EEVZA (Усходне-Еўрапейская валейбольная занальная асацыяцыя) па пляжным валейболе, у якім возьмуць удзел 21 жаночая i 31 мужчынская каманды з васьмi краінаў Усходняй Еўропы. Гэты чэмпiянат праводзяць звычайна на гарадскiм пляжы штогод, але на гэты раз бабруйскiя ўлады вырашылi правесцi яго (што незвычайна!) на плошчы Ленiна.

Нацыянальнае ўпраўленне па аэранаўтыцы і даследаванні касмічнай прасторы NASA вызначылася з кандыдатамі, якія адправяцца з місіяй на Марс да 2020 года. Упершыню палова астранаўтаў - жанчыны, паведамляецца на сайце NASA. Кандыдатам давялося прайсці жорсткі адбор, бо жаданне адправіцца на Марс выказала 6100 чалавек.

З сённяшняга дня на большай тэрыторыі Падляшскага ваяводства быў адключаны аналагавы сігнал наземнага тэлебачання. Пераход на лічбавае вяшчанне здзейсніў асабіста міністр адміністрацыі і лічбавізацыі Міхал Боні. 

Раніцай 12 красавіка 1961 г. савецкі касманаўт Юрый Гагарын, якому ў той час было 27 гадоў, стаў першым чалавекам, які ўзняўся ў космас. Ён правёў на арбіце 108 хвілін. Пасля Гагарын стаў дырэктарам Цэнтра падрыхтоўкі касманаўтаў і рыхтаваўся да здзяйснення другога касмічнага палёту, аднак гэтаму не наканавана было ажыццявіцца. 

У Чэхіі тры мясцовыя кампаніі аб'ядналіся, каб стварыць вопытны ўзор электрычнага лятаючага ровара для штодзённага перамяшчэння. Яго дэманстрацыя паспяхова прайшла ў сераду ў выставачнай залі ў Празе. Ровар з манекенам узляцеў, палятаў пяць хвілін пад дыстанцыйным кіраваннем і паспяхова прызямліўся.