rss Галоўныя падзеі
03 ліпень 2009 г.

ТЭМА ДНЯ

01-07, 13:01

Праваабаронцы занепакоеныя новым смяротным прысудам у Беларусі

Праваабарончыя арганізацыі “Міжнародная амністыя” і Беларускі Хельсінскі Камітэт адрэагавалі на новы смяротны прысуд, вынесены ў Беларусі два дні таму. Улады Беларусі працягваюць ігнараваць міжнародны ціск у справе мараторыю на смяротнае пакаранне -- лічаць праваабаронцы.

Падзеi дня

02-07, 15:42

Севярынца і яшчэ трох актывістаў БХД затрымалі ў Будславе

Міліцыянты затрымалі ў Будславе актывістаў аргкамітэту дзеля стварэння Беларускай хрысціянскай дэмакратыі Паўла Севярынеца, Дзяніса Лаеўскага, Паўла Батуева і Генадзя Фарына. Актывісты раздавалі газету "Крыніца", якая з'яўляецца рэлігійным выданнем, выходзіць тыражом 299 асобнікаў і змяшчае матэрыялы пра стан справаў з захаваннем правоў вернікаў і свабоды сумлення.

02-07, 12:42

МВФ вылучыў Беларусі другі транш крэдыту

У Нацыянальны банк Беларусі паступіла больш за $600 млн другога транша крэдыту Міжнароднага валютнага фонду.

Палітыка

02-07, 10:07

Гулд-Дэвіс: Швецыя будзе садзейнічаць рэалізацыі Усходняга партнёрства

Пасол Вялікабрытаніі ў Беларусі Найджэл Гулд-Дэвіс не сумняваецца, што Швецыя будзе садзейнічаць паспяховай рэалізацыі праграмы Еўрасаюза "Усходняе партнёрства". Пра гэта дыпламат заявіў 1 ліпеня ў Менску на прэс-канферэнцыі, прысвечанай пачатку шведскага старшынства ў ЕС у другім паўгоддзі 2009 года.

30-06, 13:42

МЗС Беларусі прадставіць бясплатныя візы замежным дэлегатам з'езду "Бацькаўшчыны"

Кіраўнік Міжнароднага грамадскага аб’яднання “Згуртаванне беларусаў свету “Бацькаўшчына” Аляксей Марачкін атрымаў ліст ад намесніка міністра замежных спраў Беларусі С.Алейніка, у якім паведамляецца, што “Міністэрствам замежных спраў прынята рашэнне аб выдачы бясплатных віз дэлегатам Пятага з’езду беларусаў свету, згодна са спісам, прадстаўленым у МУС Міжнародным грамадскім аб’яднаннем “Згуртаванне беларусаў свету “Бацькаўшчына”.

Соцыум

02-07, 11:27

Карупцыя ў дзяржаўных установах

Ініцыятыва пракуратуры Гарадзенскай вобласці па даследаванню сацыяльных уяўленняў насельніцтва аб карупцыі прынесла нечаканыя вынікі: абсалютная большасць рэспандэнтаў лічыць, што супрацоўнікі дзяржаўных установаў з’яўляюцца галоўнымі хабарнікамі.

02-07, 10:34

Паскоранае афармленне пашпарта

Платныя паслугі за паскоранае афармленне пашпартоў і іншых міграцыйных дакументаў уведзены ў Беларусі з 1 ліпеня. Аб гэтым паведаміла намеснік начальніка ўпраўлення па грамадзянстве і міграцыі ГУУС Мінгарвыканкама Іна Студзенічнік. Такая паслуга існавала раней, але ў красавіку 2009 года Міністэрства эканомікі Беларусі прыняло рашэнне аб яе адмене. Паводле слоў спецыяліста, цяпер грамадзяне, заплаціўшы пэўную суму, зноў могуць паскорыць афармленне дакументаў.

Грамадства

02-07, 19:11

Дактыласкапія дакацілася і да вёскі

Як паведаміў Радыё Рацыя беспрацоўны, былы настаўнік з вёскі Новая Гаць, што ў Івацэвіцкім раёне, Валянцін Кавальчук , ён адмовіўся ад дактыласкапіі. Што прапаноўвалася ў павестцы, падпісанай начальнікам ваенна-ўліковага стала Святавольскага сельвыканкама Валянцінай Басалай.

02-07, 10:39

"Памяць" у Новым замку

У Сенатарскай зале гарадзенскага Новага замка адкрылася выстава “Памяць”, прысвечаная 65-годдзю вызвалення Беларусі ад нямецка-фашыстоўскіх захопнікаў. Экспазіцыя прадстаўленая найлепшымі творамі беларускіх мастакоў, графікаў, скульптараў на ваенную тэматыку, якія паўсталі ў 1940-1980-я гады.

Культура

02-07, 16:41

Грэка-католікі зноў збіраюцца ў дарогу

З 7 па 12 ліпеня 2009 года пройдзе XV штогадовая грэка-каталіцкая Пілігрымка з Віцебску ў Полацак. Пілігрымка мае працягласць 104 км. У гэтым годзе Пілігрымка праходзіць пад дэвізам “Крыж Хрыста – знак любові”.

02-07, 09:46

OPEN FEAST пад Слонімам

Буйны фэстываль электроннай музыкі пад назвай OPEN FEAST пройдзе 10 ліпеня на пляцоўцы плошчаю ў гектар непадалёк ад горада Слоніма. У ім маюць прыняць удзел прафесійныя ды-джэі з Масквы, Менску, Гомеля. Аматары змогуць пачуць электронную музыку ўсіх напраўкаў: “хаўс”, “прагрэсіў”, “электра”, “тэхна”, “дрэм-эн-бас” і “транс”.

Эканоміка

02-07, 09:11

Беларусь наведае міністр энергетыкі і нафты Венесуэлы

Беларусь наведае міністр энергетыкі і нафты Венесуэлы Рафаэль Рамірэс, які з'яўляецца таксама сустаршынёй сумеснай беларуска-венесуэльскай камісіі па супрацоўніцтве. Візіт, мэта якога - практычнае вывучэнне дзеючых дамоўленасцей паміж Беларуссю і Венесуэлай, чакаецца ў бліжэйшыя дні. Плануецца падпісанне новых кантрактаў у сферы нафтаздабычы, асваення новых радовішчаў нафты.

01-07, 09:26

Патрэбны інвестары для суднабудаўнічых заводаў у Рэчыцы і Гомелі

Міністэрства транспарту і камунікацый Беларусі шукае новых інвестараў для суднабудаўніча-суднарамонтных заводаў у Рэчыцы і Гомелі, паведаміў 30 чэрвекня на прэс-канферэнцыі ў Менску першы намеснік міністра транспарту і камунікацый Беларусі Мікалай Верхавец. Першы намеснік міністра расказаў, што папярэдні інвестар не выканаў свае абавязацельствы і ў сувязі з крызісам прыпыніў дзейнасць у Беларусі.

Спорт

02-07, 09:18

Нападаючы Віталь Радзівонаў вярнуўся ў БАТЭ

25-гадовы нападаючы футбольнай зборнай Беларусі Віталь Радзівонаў вярнуўся ў БАТЭ, паведамляе сайт барысаўскага клуба. Апошнія паўгода форвард на правах арэнды выступаў за нямецкі "Фрайбург", які заваяваў пуцёўку ў бундэслігу. У чэмпіянаце другой бундэслігі Радзівонаў правёў 12 матчаў. Тэрмін арэнды нападаючага завяршыўся 30 чэрвеня.

01-07, 11:15

Шэсць медалёў на чэмпіянаце Еўропы па веславанні

На чэмпіянаце Еўропы па веславанні на байдарках і каноэ ў нямецкім Брандэнбургу беларусы заваявалі 6 медалёў, сярод якіх 4 вышэйшай вартасці. Чэмпіёнамі кантынента сталі экіпажы байдаркі-чацвёркі на дыстанцыі 1000 м (Раман Петрушэнка, Аляксей Абалмасаў, Артур Літвінчук, Вадзім Махнёў) і 200 м (Раман Петрушэнка, Тарас Валько, Дзям'ян Турчын, Вадзім Махнёў). На вышэйшую прыступку п'едэстала гонару падняўся і наш Дзяніс Гаража, які выйграў заезд на каноэ-адзіночцы на 500 м.

Замежжа

02-07, 09:32

З касмадрома Куру запушчаная ракета Ariane-5

Еўрапейская ракета-носьбіт Ariane-5 стартавала з касмадрома Куру ў Французскай Гвіане. Яна павінна вывесці на геастацыянарную арбіту амерыканскі тэлекамунікацыйны спадарожнік TerreStar-1. Гэта - самы буйны ў свеце камерцыйны спадарожнік.

01-07, 10:39

Швецыя змяніла Чэхію ў якасці старшыні ЕС

У сераду, 1 ліпеня, Швецыя стала старшынёй Еўрасаюза, у адпаведнасці з прынцыпам ратацыі, змяніўшы ў гэтай якасці Чэхію. Прэм'ер-міністр Швецыі Фрэдрык Рейнфэльдт на працягу бліжэйшых шасці месяцаў будзе вызначаць асноўныя кірункі ў развіцці ЕС і праводзіць іх у жыццё.

Вы таксама можаце даслаць нам навіну —
націсніце і запоўніце форму
 

 

 

 

 

Радыё Рацыя
інфармацыйны партнёр кампаніі

курсы валютаў BYR

EUR

3 983.24

USD

2 828.00

RUB

90.86

LVL

5 681.57

LTL

1 154.64

PLN

913.75

UAH

370.64

партнёры

Ніва

Суфінансаванне сайта —
пасольства Нідэрландаў
у Варшаве
Інфармацыйны праект
Беларуская Народная Рэспубліка
Камунікат
НАВІНЫ РЭГІЁНАЎ BIALYSTOK ГОМЕЛЬ МАГІЛЕЎ БРЭСТ ГРОДНА МІНСК ВІЦЕБСК галасаваць іншыя