Беларускі рубель знізіўся да даляра



На таргах Беларускай валютна-фондавай біржы 29 жніўня 2016 года беларускі рубель знізіўся да даляра ЗША, умацаваўся — да еўра і расейскага рубля.

рубель

 

Паводле вынікаў таргоў курс даляра вырас на 0,0063 рубля, або на 0,32%, і склаў 1,9554 рубля.

Курс еўра знізіўся на 0,0125 рубля (0,57%) да 2,1897 рубля.

Курс расейскага рубля (за 100 адзінак) знізіўся на 0,0065 рубля (0,22%) і склаў 3,0091 беларускага рубля за 100 расейскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расейскага рубля складае 40%, а долі даляра ЗША і еўра — 30% кожная.

Беларускі рубель рэагуе на дынаміку курсу расейскага рубля, якая шмат у чым залежыць ад цэн на нафту. Цэны на нафту знізіліся больш як на 1% у панядзелак на фоне росту здабычы ў Іраку, а таксама пасля таго як Іран выставіў умовы супрацоўніцтва з АПЕК для стабілізацыі рынку нафты. Блізу поўдня нафта гатунку Brent таргавалася на ўзроўні 49,48 долара за бараль.

У Расеі сярэднеўзважаны курс даляра да рубля разлікамі „заўтра” на адзінай гандлёвай сесіі ММВБ, на падставе якога ўстанаўліваецца афіцыйны курс Цэнтрабанка, на 11.30 панядзелка вырас на 34,30 капейкі, склаўшы 65,0810 рубля.

belapan.by