Дэнамінацыя – не больш, чым піяр-акцыя?



У Беларусі з 1-га ліпеня будучага года будзе праведзена дэнамінацыя. Уводзяцца новыя купюры ды ўпершыню манеты.

Леанід Фрыдкін

Леанід Фрыдкін (Фота belbiz.by)

Галоўны рэдактар “Эканамічнай газеты” Леанід Фрыдкін лічыць гэтую ініцыятыву не больш, чым піяр-акцыяй:

 – Цяпер, вось калі пытанне пра тое, што трэба нешта рабіць, трэба нешта мяняць, ну вось давайце зробім дэнамінацыю. Кожнай уладзе трэба прадэманстраваць нейкія вялікія справы: ці адправіць экспедыцыю ў кругасветнае плаванне, ці піраміды збудаваць, ці яшчэ што-небудзь такое, ці суседні бугор заваяваць. У нас такіх магчымасцяў няма, ну вось мы дэнамінацыю правялі.

Эксперт Леанід Фрыдкін лічыць, што сур’ёзныя рэформы ў межах сённяшняй сацыяльна-эканамічнай мадэлі немагчымыя. Тое, што беларускі рэжым будзе выдаваць за пераўтварэнні насамрэч будзе толькі касметычным рамонтам.

Стас Дэдэрка, Беларускае Радыё Рацыя