Зарплата ў IT-сферы ў ліпені перавысіла 3400 рублёў



У ліпені 2016 года зарплата у сферы IT склала 3426,6, а ў студзені-ліпені сярэднямесячная зарплата дасягнула 3557 беларускіх рублёў. Такая інфармацыя размешчана на сайце Нацыянальнага статыстычнага камітэта.

Высокая сярэдняя зарплата ў ліпені гэтага года зафіксавана і па такіх відах эканамічнай дзейнасці, як паветраны транспарт (Br2132,2), фінансавая і страхавая дзейнасць (Br1255,6), вытворчасць хімічных прадуктаў (Br1249), вытворчасць коксу і прадуктаў нафтаперапрацоўкі (Br1203,5). Самы нізкі паказчык сярэдняй зарплаты ў ліпені быў у прадастаўленні сацыяльных паслуг (Br425,7), у работнікаў бібліятэк, музеяў (Br428,3).

Максімальны тэмп росту рэальнай заработнай платы ў студзені-ліпені 2016 года да ўзроўню студзеня-ліпеня 2015 года забяспечаны ў такіх відах эканамічнай дзейнасці, як інфармацыйныя тэхналогіі і інфармацыйнае абслугоўванне (116,7 працэнта), вытворчасць вылічальнай, электроннай і аптычнай апаратуры (109,1 працэнта), дапаможная дзейнасць паветранага транспарту (107,7 працэнта). Мінімальны паказчык склаўся ў вытворчасці зборных жалезабетонных і бетонных канструкцый і вырабаў (85,8 працэнта).

Як паведамлялася, у Беларусі налічаная сярэдняя заработная плата работнікаў у ліпені 2016 года складала Br745,8 (у чэрвені – Br738,7 у улікам дэнамінацыі), рабочых і служачых – Br748,1 (у чэрвені – Br741,7). Рэальная заработная плата ў студзені-ліпені гэтага года склала 96 працэнтаў да ўзроўню студзеня-ліпеня мінулага года.