Асуджаны да 30 гадоў турмы чэшскі лекар планаваў уцёкі ў Беларусь



У Менску Яраслаў Бартак планаваў папрасіць палітычнага прытулку.

464173-original1-xjrim

Паводле абвінавачвання ў згвалтаванні сваіх асістэнтак і вымаганні Бартак адсядзеў тры гады. За гэты час, дзякуючы дапамозе людзей на волі, ён спрабаваў арганізаваць свае ўцёкі. Ён хацеў збегчы на верталёце ў Польшчу, а затым самалётам у Беларусь, дзе хацеў папрасіць палітычнага прытулку.

Калі справу выкрылі, аказалася, што з турмы Яраслаў Бартак планаваў тры забойствы з мэтай помсты, а таксама шантажаваў і вымагаў грошы на ўцёкі яшчэ ў трох іншых чалавек.

За гэтыя злачынствы краёвы суд Ліберэц, што на паўночным захадзе Чэхіі, асудзіў Яраслава Бартака на 18 гадоў. З улікам ужо адседжаных трох гадоў, паводле папярэдняга прысуду, яму застаецца адсядзець 27 гадоў.

464171-original1-fx4r6

Дэталі планаваных уцёкаў сталі вядомыя падчас расследавання другой справы супраць лекара.

Адразу пасля абвяшчэння прысуду ён падаў апеляцыю.

Паводле novinky.cz

Фота Jaroslav Švehla, Právo