Пачаўся пераслед удзельнікаў акцыі ў гадавіну Рэферэндума-96 (абноўлена)



На завяршэнні мемарыальнага шэсця на плошчы Незалежнасці ў Менску міліцыянты пачалі складаць пратаколы на арганізатараў, шэраговых удзельнікаў і нават на журналістаў і правабаронцаў. Прэсавы сакратар ГУУС Менгарвыканкаму Аляксандр Ластоўскі ўжо пасьпеў заявіць, што на журналістаў ніякіх пратаколаў у выніку так і не склалі. Відавочна, што позвы ў суд атрымаюць тры ўдзельнікі шэсця, якія трымалі бел-чырвона-белыя сцягі.

Каментуе адзін з арганізатараў акцыі Мікалай Статкевіч:

– Я буду сачыць за гэтай сітуацыяй. Калі спатрэбіцца, будзем шукаць адвакатаў.  А калі будуць прызначаныя штрафы, праз інтэрнэт арганізуем збор сродкаў.

 

Адміністрацыйны пратакол быў складзены і на самога Стакевіча, а таксама на Уладзіміра Някляева, Максіма Вінярскага ды Алеся Макаева.

На думку Статкевіча, такія акцыі робяць грамадства грамадствам, незалежна ад колькасці непасрэдных удзельнікаў.

* * *

Хлопца, які прыйшоў на шэсце з вялізным нацыянальным сцягам, змусілі забраць дакументы з вучэльні.

«Учора амаль на ўсіх сайтах былі мае з сябрам здымкі з вялізным сцягам,» – гаворыць музыка Генадзь Мігель.

— Сёння прыйшоў з гітарай, а на ёй была бел-чырвона-белая стужка і да мяне падышла завуч, сказала падысці да галоўнага завуча. Мяне сёння змусілі падпісаць заяву пра тое, што я добраахвотна сыходжу з каледжа, у якім я навучаўся. Сказалі, што я, маўляў, не наведваю заняткі. 

«Але насамрэч падставаў адлічыць мяне не было. На мяне націснулі і прыйшлося забраць дакументы,» – дадаў непаўналетні Мігель. Хлапец навучаўся ў каледжы МГПТК будаўніцтва і камунальнай гаспадаркі.

2411_hdz_statkevich_no_diktatur_01-i4zga

Гэта другі за год выпадак пераследу навучэнцаў каледжаў за нацыянальную сімволіку.

Ня так даўно, дзякуючы грамадскай салідарнасці, ўдалося аднавіць на навучанні кадэтаў з Ястрэмбеля.

DSCN5301

 Беларускае Радыё Рацыя, Менск

Фота: Наша Ніва, Беларускае Радыё Рацыя