Слонімцы шукаюць месца і грошы для Льва Сапегі



Слонімскі раённы выканаўчы камітэт сумесна з раённай газетай “Слонімскі веснік” аб’явіў інтэрактыўнае грамадскае абмеркаванне для вывучэння думкі слонімцаў пра магчымае месца ўстаноўкі ў Слоніме помніка былому слонімскаму старосце, канцлеру Вялікага Княства Літоўскага Льву Сапегу (1557-1633). Большасць слонімцаў прапаноўвае паставіць помнік у цэнтры горада, у скверыку насупраць Слонімскага драмтэатра.

У стварэнні помніка і яго ўстаноўцы могуць прыняць удзел не толькі жыхары Слонімшчыны, але і ўсёй Беларусі, пералічыўшы любую суму грошай на помнік Льву Сапегу:

УНП 590374643

бл. сч. 3135054410186

ЦБУ № 422 ОАО «АСБ Беларусбанк» у г.Слоніме вул.Чарняхоўскага, д.3

код банка 152101689

УНП банка 500054844

 

sapeha0502

Нагадаем, што пры Льву Сапегу Слонім стаў культурным, прамысловым і палітычным месцам. Побач з замкам на беразе Шчары канцлер Сапега ўзвёў мураваны палац, дзе са студзеня 1597 года праходзілі генеральныя сеймікі Вялікага Княства Літоўскага.

У слонімскім замку знаходзілася і добрая бібліятэка, архіў, творы мастацтва.

Леў Сапега ўпарадкаваў у Слоніме вуліцы, масты, дарогі, пабудаваў шмат аўстэрый. Ён адкрыў новыя кірмашы, прамысловыя мануфактуры, будаваў адміністратыўныя і гаспадарчыя будынкі.

Барыс Баль, Беларускае Радыё Рацыя, Слонім