Валанцёры супраць камунальнікаў



У Пінску валанцёры заалагічнага руху змагаюцца з камунальнікамі. Актывісты не задаволеныя працай службы адлова бадзяжных жывёл.

115675677_3045391_24

Камунальнікі хапаюць жывёл без разбору, ёсць ці не ў чацвераногага гаспадар, асабліва гэта тычыцца котак. Робяць гэта жорстка на вачах гараджан.

Не меншая праблема з утрыманнем жывёл у пункце адлова, які ў Пінску платны. Калі, напрыклад, нехта захоча забраць чацвераногага, то павінен аплаціць за ўтрыманне па сутках: сабака – 15 тысяч, а котка – 6 тысяч. Нягледзячы на тое, што паслуга платная, умовы ў пункце адлова вельмі кепскія, нават няма вады, сцвярджаюць актывісты.

Жыхарка Пінска Валянціна Ляшкевіч, якая па магчымасці дае прытулак бадзяжным жывёлам, упэўнена, што ва ўсёй сітуацыі вінаватыя самі грамадзяне, у якіх няма адчування адказнасці:

– Людзі спачатку бяруць жывёл, а пасля, калі не спадабаліся, выкідваюць або ўсыпляюць.

Каб разабрацца з камунальнікамі, ініцыятыўная група актывістаў заалагічнага руху мае намер сустрэцца са старшынём Пінскага гарвыканкама і склала на ягонае імя петыцыю.

Пятро Савіч, Беларускае Радыё Рацыя

Фота liveinternet.ru