Берасцейцам паказалі традыцыйнае вяселле



Народныя калектывы з Драгічынскага і Пінскага раёнаў правялі ў Берасці этнаканцэрт, у якім рэканструявалі асноўныя этапы традыцыйнага палескага вяселля.

IMG_6735_s

Абрады замешвання і ўпрыгожвання каравая, адпраўлення маладых у царкву, сустрэча іх з царквы, выкуп пасагу і перапой з караваем – гэта асноўныя сэнсавыя кропкі мерапрыемства. Нягледзячы на вялікую колькасць гуртоў арганізатарам удалося паказаць вяселле як цэласны працэс.

IMG_6741_s

Мерапрыемства высока ацаніла кіраўнічка менскага народнага калектыву “Гаманіна” Наталля Сазановіч:

– Хармайстар нашага калектыву – студэнтка 5 курса Універсітэта культуры, і тэма яе дыпломнай працы супала з гэтым мерапрыемствам. І ўсё, што мы запісваем, мы бярэм у рэпертуар свайго калектыва.

Этнаканцэрт “Ляцелі гусанькі цераз сад, час табе, Ганначка, на пасаг” з’яўляецца часткай цыклу “Рух зямлі”, які апошнія некалькі год арганізуецца Брэсцкім абласным грамадска-культурным цэнтрам.

Алеся Лугавая, Беларускае Радыё Рацыя

Фота аўтара