’’Музыка скрозь стагоддзі’’ у Берасці



’’Музыка скрозь стагоддзі’’ – выстава музычных інструментаў пад такой назвай адчынілася у філіяле Мастацкага музея Берасцейскай крэпасці.

vystava_mastacki7

Экспанаты прадстаўлены з фондаў Берасцейскага абласнога і Баранавіцкага краязнаўчых музеяў, Кобрынскага ваенна-гістарычнага музея імя Суворава, Мемарыяльнага комплексу „Берасцейская крэпасць- герой» ды іншых музеяў Берасцейскай вобласці.

“Большая частка эскспанатаў, што мы прадставілі, – гэта інструменты 17 – 19 стагоддзяў, – распавяла дырэктарка Музея беларускага Палесся Ірына Дземчук:

– Выстава прывабная тым, што тут прадстаўлена шмат розных музычных інструментаў. Ёсць старадаўнія рэчы, ёсць самаробныя. Людзям, якія цікавяцца музыкай, будзе вельмі цікава пазнаёміцца з гэтымі экспанатамі.

Выстава арганізавана ў межах штогадовай акцыі ’’Музеі – гораду’’, якая прымеркаваная да Міжнароднага дню музеяў. Наведаць ’’Музыку скрозь стагоддзі’’ можна да канца месяцу.

Беларускае Радыё Рацыя, Берасце