У галерэі “У Майстра” – выстава “Мой горад”



У гарадзенскай галерэі “У майстра” адкрыўся вернісаж з працаў навучэнцаў мастацкай студыі для дарослых. На карцінах – вуліцы Гародні ў розны час сутак і ў розную пару года.

Каля трох дзесяткаў працаў паказваюць адчуванне і ўяўленне кожнага мастака, яго эксперымент над тэхнікай, стылем.

Пра выставу распавядае кіраўнік мастацкай студыі Аляксандр Васілевіч:

– Дарослыя – гадоў 20 і болей. Тэма – Гародня. Мы самі складалі кампазіцыі. Атрымалася, што з дарослымі прасцей працаваць. Хаця здавалася – як гэта? Але мне з дарослымі прасцей знайсці агульную мову.

Студыя малявання для дарослых працуе ў Гародні ўжо чацьвёрты год, а на выставу прыйшлі, як яе цяперашнія яе навучэнцы, так і вядомыя гарадзенскія мастакі.

Беларускае Радыё Рацыя