Гэта рубрыка ў RSS
Мінскі аўтамабільны завод разглядае магчымасць пачатку зборкі легкавых аўтамабіляў, паведаміў генеральны дырэктар прадпрыемства Мікалай Косцень журналістам у аўторак у Маскве.
“Зараз мы вядзем перамовы з трыма замежнымі кампаніямі - ААТ “АўтаВАЗ”, кампаніяй з Нямеччыны і кампаніяй з Кітая”, - адзначыў ён, удакладніўшы, што МАЗ вылучыць партнёра, які прадаставіць найболей прывабны інвестыцыйны план.
- Першыя перамовы пачнуцца ў траўні, магу паведаміць, што ў Беларусь прыедзе Барыс Алёшын (прэзідэнт “АўтаВАЗа”).
Паводле гендырэктара беларускага завода, неабходна два-тры гады на ўсе ўзгадненні, і толькі пасля гэтага пачнецца падрыхтоўка магутнасцяў для вытворчасці легкавых аўтамабіляў, паведамляе РИА “Новости”.
Косцень паведаміў, што на першым этапе плануецца збіраць 20-50 тысяч аўтамабіляў у год, большасць з якіх пойдзе на расійскі рынак.
