Гэта рубрыка ў RSS
Міністэрства эканомікі і развіцця Расіі сумесна з Міністэрствам сельскай гаспадаркі распрацоўваюць прапановы па рэгуляванні імпарту сухога малака з Беларусі.
Як паведаміў сёння міністр сельскай гаспадаркі Расіі Аляксей Гардзееў на селектарнай нарадзе па пытаннях комплекснага развіцця малочнай жывёлагадоўлі і сельскагаспадарчай кааперацыі, “у цяперашні час па даручэнні ўрада Мінэканамразвіцця і Мінсельгас рыхтуюць прапановы па аператыўных мерах рэгулявання імпарту, у першую чаргу сухога малака, з Рэспублікі Беларусь".
Паводле Гардзеева, на рынку сухога малака адзначана паніжэнне закупных коштаў разам з ростам імпарту гэтай прадукцыі, паведамляюць расійскія СМІ.
Першы віцэ-прэм’ер расійскага ўрада Віктар Зубкоў пасля гэтай жа нарады заявіў расійскім журналістам, што Расія можа пачаць антыдэмпінгавае расследаванне супраць таннага беларускага малака.
- Я даў даручэнне Мінэканамразвіцця ў рамках камісіі па мытна-тарыфнаму рэгуляванню разгледзець праблемныя пытанні, звязаныя з сітуацыяй.
Першы віцэ-прэм’ер адзначыў, што Беларусь вельмі актыўна субсідуе сваіх вытворцаў малака, у выніку чаго расійскія таваравытворцы не могуць канкураваць з беларускім імпартам у кошце.
- Праца зараз такая пачатая. У рамках камісіі можа быць ініцыяваная антыдэмпінгавае расследаванне.
