Амбасадарам Міжкультурнага дыялогу з'яўляецца сусветнай славы мастак Лявон Тарасэвіч, які паходзіць з Валілаў на Беласточчыне.
“Сілезцы маюць вугаль, Памор'е мае мора, Беласточчына мае нас - беларусаў і большага багацця не будзе мець. Калі гэта страціць, то яна застанецца правінцыяй, якой ніхто не будзе цікавіцца”, - адказвае Лявон Тарасэвіч на пытанне, што Падляшша можа ўнесці ў Міжкультурны дыялог.
Мэта акцыі — прыцягнуць увагу грамадскасці да розных аспектаў культуры і розніцы ў разуменні шматкультурнасці ў Еўропе.
“Калі выступаеш у асяроддзі прафесійным разам з другімі як беларус і на гэта не глядзіцца як на нейкі скансэн, дзе жыве якаясь меншасць, і я, ты ёсць партнёрам, тады твой голас - як удзельніка дыялогу - ёсць важны. Бо толькі супольны голас разам з другімі будуе новую якасць, якая паўстае ў сённяшняй Еўропе”, - так бачыць сваю амбасадарскую місію Лявон Тарасэвіч.
Апрача Тарасэвіча, амбасадарам Еўрапейскага году Міжкультурнага дыялогу ёсць Кшыштаф Чыжэўскі, старшыня фонду і асяродка “Памежжа” з Сэйнаў.
Ганна ШАЙКОЎСКАЯ
