11 траўня на ТГ стартавала інтэрнэт-галасаванне, якое вызначыць аднаго з беларускіх удзельнікаў буйнога расійскага фестывалю “Воздух”, які пройдзе ў Петразаводску 20-22 чэрвеня.
На паездку ў Карэлію прэтэндуюць 15 беларускіх камандаў. Адна з камандаў ужо вядомая – гэта OSIMIRA. Другую – вызначыць журы беларускага адборачнага туру, трэцюю – наведнікі музычнага парталу.
Сярод удзельнікаў сёлетняга “Воздуха” – самыя вядомыя расійскія каманды: СЛОТ, “Пилот”, “Чиж и Со”, “Тараканы”, “Муха”, “Бригадный подряд”, “Сурганова и оркестр”, “Иван Купала”, “Кукрыниксы” ды іншыя.
З беларусаў на паездку прэтэндуюць каманды абсалютна рознай музычнай скіраванасці. Заявы на адборачны тур падалі наступныя гурты:
Mauzer, “Серебряная свадьба”, “Пневмания”, beZ bileta, УЖЕ, Tarpach, WISP, Naka, Zatoczka, Donatello, Каира, 4example, Krok, :B:N:, Metaxa.
Ад 11 траўня на “Тузіне Гітоў” распачынаецца галасаванне, пераможца якога і атрымае магчымасць выступіць на фэсце ў Карэліі. У галасаванні не будуць бачныя бягучыя вынікі. Пераможца галасавання будзе абвешчаны 16 траўня. Галасаваць можна штодзень за аднаго выканаўцу.
