16 сакавіка – дзень беларускай салідарнасці. Актывісты нагадваюць грамадству аб зніклых у нявысветленых абставінах палітыках і грамадскіх дзеячах ды патрабуюць ад улады сумленна расследаваць выпадкі гэтых знікненняў.

15 сакавіка 1994 года дэпутаты Вярхоўнага Савета XII склікання прынялі першы ў гісторыі асноўны закон суверэннай Беларусі – канстытуцыю.

Пра гэта падчас прэсавай канферэнцыі ў Менску журналістам распавёў сустаршыня аргкамітэту Хрысціянска-дэмакратычнай партыі Павал Севярынец.

Рашэнне пра склад беларускай дэлегацыі ў парламенцкай асамблеі палітыкі ЕС "Усходняе партнёрства" (Еўранест) адкладзена на месяц. Пра гэта паведамілі ў офісе польскага дэпутата Яцэка Пратасевіча, кіраўніка дэлегацыі парламента ЕС па сувязях з Беларуссю.

10 сакавіка ў Вярхоўным судзе Беларусі пачаўся працэс па справе ваўкавыскіх прадпрымальнікаў Мікалая Аўтуховіча і Уладзіміра Асіпенкі. Суддзя абвясціў перапынак да 16 сакавіка (аўторак).

У Варшаве 9 сакавіка мела адбыцца першае пасяджэнне беларуска-польскай урадавай групы экспертаў, якая мела заняцца канфліктам вакол Саюза палякаў Беларусі. Першае пасяджэнне камісіі перанесена арыенціровачна на тыдзень. Прычынай пераносу сталі рознагалоссі бакоў па гэтым пытанні.

Літоўскія СМІ паведамілі пра запрашэнне кіраўніка Беларусі Аляксандра Лукашэнкі на ўрачыстасці, прымеркаваныя да Дня незалежнасці Літвы. Паведамляецца пра тое, што запрашэнне перададзена літоўскімі дыпламатамі ад імя прэзідэнта Літвы. Тым не менш, як адзначае аглядальнік Раман Якаўлеўскі, пакуль цяжка прагназаваць пра магчымы візіт кіраўніка ў Літвы.

8 сакавіка ў Ваяводскай управе Падляшскага ваяводства ў Беластоку адбудзецца штогадовая сустрэча ваяводы з прадстаўнікамі арганізацыяў нацыянальных меншасцяў, якія пражываюць на Падляшшы.

А. Лукашэнка ўказам № 129 зацвердзіў парадак узаемадзеяння аператараў электроннай сувязі з сілавымі структурамі. Згодна ўказу спецслужбы змогуць праслухоўваць размовы грамадзян ды будуць карыстацца доступам у базы вестак аб абанентах.

Студэнтаў, якія ўдзельнічалі ў “Свяце беларускай мовы” прымусілі пісаць тлумачальныя запіскі наконт правядзення імпрэзы. Свята сёлета ўпершыню планавалася зладзіць афіцыйна і маштабна, аднак нечакана для арганізатараў, кіраўніцтва Палаца культуры МАЗ скасавала дамову. Арганізатары не выключаюць, што імпрэзай зацікавіліся спецслужбы.

Генеральны пракурор Беларусі Рыгор Васілевіч упэўнены, што службовыя асобы кіраўніцтва "Абсалютбанка" не арганізавалі дастатковую бяспеку для працы сваіх супрацоўнікаў – у адносінах службоўцаў заведзена крымінальная справа.

Арганізатары Дня Волі заяўляюць маршрут акцыі ў Мінску ад Акадэміі навук да сквера Янкі Купалы. Адпаведную заяву ініцыятары акцыі з Беларускага Незалежніцкага блоку падаюць сёння ў Менгарвыканкам і заклікаюць да ўдзелу ў святкаванні ўсіх дэмакратычных актывістаў. Заяўнікі падкрэслілі, што на плошчу Бангалор ісці не маюць намера.

Следчыя па справе выбуху у Мінску 4 ліпеня 2008 схіляюцца да версіі, што гэта было хуліганства, але не тэракт. Першы намеснік міністра ўнутраных спраў Алег Пякарскі паведаміў, што па гэтай справе затрымалі 120 чалавек, апыталі 900, але ні падазроных, ні датычных да злачынства так і не выявілі.

Адміністрацыя не пускае дэмакратычных кандыдатаў збіраць подпісы ў студэнцкіх інтэрнатаў. 28 лютага падобны выпадак адбыўся ў Віцебску з сябрамі ініцыятыўнай групы кандыдата ад БХД Уладзіміра Рамановіча. У адказ на гэта хрысціянскія дэмакраты паскардзіліся самой Лідзіі Ярмошынай.

Завяршыўся візіт дэлегацыі Еўрапарламенту ў Мінск. Еўрадэпутаты правялі сустрэчы з прадстаўнікамі грамадзянскай супольнасці, а таксама з прадстаўнікамі афіцыйных уладаў. Як паведаміў нашаму радыё сустаршыня аргкамітэту па стварэнні БХД Віталь Рымашэўскі, падчас сустрэчы абмяркоўваўся фармат вылучэння прадстаўнікоў ад Беларусі ў Еўранест. Аднак галоўным пытаннем была сітуацыя ў Беларусі.