Людзі, што прыйшлі на акцыю пратэста, пасля паўгадзіннага стаяння на Кастрычніцкай плошчы рушылі ў бок Чырвонага касцёла. Апроч свечак і партрэтаў памерлай, мінчукі неслі расцяжку “Свабоду Казуліну”.
Па тратуарах і на чырвонае святло светлафора некалькі соцень людзей дайшлі да ганку храма, суправаджаемыя сігналамі салідарнасці з боку праязджаючага аўтатранспарта.
Да прысутных выйшаў святар, які заклікаў супольна памаліцца за спачын Ірыны Казулінай, вызваленне яе мужа і астатніх палітзняволеных, што і было зроблена.
Хаця ў пачатку акцыі міліцыя і папярэджвала грамадзянаў аб магчымасці прыцягнення да адказнасці, але ніякіх перашкодаў людзям на гэты раз не стварала.
Вадзім ДОЎНАР
