Ініцыятыва пракуратуры Гарадзенскай вобласці па даследаванню сацыяльных уяўленняў насельніцтва  аб карупцыі прынесла нечаканыя вынікі: абсалютная большасць рэспандэнтаў лічыць, што супрацоўнікі дзяржаўных установаў з’яўляюцца галоўнымі хабарнікамі.

Супрацоўнікі ўпраўлення ідэалагічнай працы Гарадзенскага аблвыканкама, якія ажыццяўлялі апытанне, высветлілі, што больш за 65% рэспандэнтаў  лічаць карупцыю цяжкай хваробай грамадства, пад уздзеяннем якой знаходзяцца амаль усе дзяржаўныя ўстановы: суды, міліцыя і пракуратура таксама апынуліся сярод тых, чыя дзейнасць выклікае ў жыхароў Прынёмання шмат пытанняў.

На думку рэспандэнтаў, найбольш распаўсюджанымі карупцыйнымі злачынствамі ў рэгіёне з’яўляюцца атрыманне хабару за станоўчы разгляд судовых справаў, прасоўванне па кар’ернай лесвіцы, працаўладкаванне  і  неўзбуджэнне крымінальных справаў за здзейсненныя злачынствы.

Радыё Рацыя