Ірына Казуліна вяла дзённік, які планавала пакласці ў аснову сваёй кнігі - адмысловага дапаможніка для жанчын, што сутыкнуліся са страшнай анкалагічнай хваробай. Юлія намерана па-свойму ажыццявіць матчыну задуму. Пра змест і ідэю будучай кнігі Юлія распавяла Рацыі.
- Юля, нам стала вядома, што Вы збіраецеся дапісаць кнігу маці. Што будзе ляжаць у аснове гэтай кнігі?
- Увогуле сэнс і ідэя кнігі – гэта ўспаміны людзей пра маму, нейкія гісторыі, звязаныя з ёй. Таксама мама вяла своеасаблівы дзённік, і будуць вытрымкі з яго.
- Вы казалі, што збіраецеся дапісваць. Дык можа асновай кнігі будзе гэты дзённік?
- Не, асновай будуць менавіта ўспаміны, таму што ў дзённіку не так многа напісана.
- І калі Вы мяркуеце гэту кнігу дапісаць і выдаць?
- Хацелася б, каб да гадавіны яна была гатовая. Але пабачым, як пакажа час.
- Вы ўжо прыступілі да напісання кнігі?
- Не, яшчэ не пачала.
- А калі прыйшла ідэя напісання кнігі?
- Ідэя гэтая была даўно. Яшчэ калі мама была жывая, мы меркавалі, што яна павінна напісаць кнігу. Пасля, калі яе не стала, я зразумела, што павінна закончыць распачатую ёю справу.
- Вы будзеце пісаць адна ці можа разам з сястрой?
- Не абмяркоўвалі яшчэ гэта.
- Але такое магчыма?
- Магчыма, канешне.
- А як Ваш бацька паставіўся да намеру напісаць кнігу?
- Ён канешне ўзрадаваўся і сказаў, што будзе чакаць, калі праз год кніга будзе гатовая.
Наталля ЯКАВЕНКА
