24 сакавіка галоўны трэнер зборнай Беларусі па футболе даў прэс-канферэнцыю, прысвечаную таварыскаму матчу са зборнай Турцыі, які адбудзецца 26 сакавіка на мінскім стадыёне “Дынама” (пачатак – а 20-й гадзіне).
Немец кажа, што яму надта цікава будзе ў гэтай сустрэчы праверыць тое, якога прагрэсу дасягнула каманда. Праўда, зазначыў, што не змог сабраць усіх мацнейшых футбалістаў. Не выйдуць на поле Кульчы, Амельянчук, Калачоў, траўмы ў Філіпенкі, Пласконнага, Рамашчанкі і Кутузава. Зараз дактары робяць усё, каб хаця б нехта з іх згуляў у матчы з туркамі.
Што да Турцыі, то Бернд Штанге назваў гэтую зборную вельмі моцным праціўнікам, але сказаў, што “мы вельмі хочам перамагчы”. Трэнер заклікаў заўзятараў прыйсці на “Дынама”, каб падтрымаць каманду.
