Суполка “Пагоня” Беларускага саюза мастакоў і камісія па культуры Партыі БНФ падрыхтавалі серыю паштовак да 90-годдзя абвяшчэння Беларускай Народнай Рэспублікі.
“На ўсіх паштоўках выяўлена беларуская нацыянальная сімволіка — герб “Пагоня” і бел-чырвона-белы сцяг. На адной — фрагмент літаграфіі Віктара Сташчанюка з выявай будынка, дзе была абвешчана БНР. На дзвюх іншых — фрагменты маіх карцін старога Менску і Вільні. Аўтар дызайну паштовак — Ігар Марачкін”, — кажа адзін з аўтараў серыі Мікола Купава.
Паштоўкі выдадзены на грошы мастакоў і членаў камісіі па культуры Партыі БНФ, паведамляе БелаПАН. Паводле Купавы, іх можна знайсці ў мінскім офісе Партыі БНФ.
