Гэта рубрыка ў RSSБеларускія аніматары завяршаюць працу над новай мультыплікацыйнай стужкай пра касмічных ратаўнікоў «Плюс і мінус».
Рэжысэр мультфільму Аляксандар Ленкін, знаёмы гледачам па мультсэрыяле «Прыгоды рэактыўнага парася».
Паводле сюжэту новай анімацыйнай стужкі, на зямлі іншаплянэцяне Катыёнік і Анімоніс знаёмяцца з хлопчыкам Пецем і ягоным сабакам Шарыкам. Так пачынаецца сяброўства Пеці з іншаплянэцянамі, а Шарык пачынае сумаваць і вырашае паляцець на іншую плянэту.
Як паведаміла карэспандэнту агентцва «Мінск‑Навіны» прэсавая сакратарка Нацыянальнай кінастудыі «Беларусьфільм» Алена Мельнікава, працягласьць новага мультфільму — 13 хвілін. Над малюнкамі кожнага кадра (а іх у стужцы больш за 70 тысяч) працавалі 20 мастакоў‑прамалёўшчыкаў. Плянуецца, што праца на мультыплікацыйным фільмам будзе завершаная ўжо ўвосень, паведамляе агентцва «Мінск‑Навіны»
