Пра гэта Рацыі паведаміў Сяргей Скрабец, які суправаджаў палітыка з Мінску: “У 19.59 Аляксандр Казулін ізноў пераступіў ганак “Віцьбы-3”.
Варта заўважыць, што вакол калоніі было шмат спецназаўцаў, міліцыі, супрацоўнікаў ДАІ і проста людзей у цывільным. Ля Кургана Славы аўто з Казуліным было спыненае ДАІшнікамі за перавышэнне хуткасці, кіроўцу аштрафавалі.
Прыкладна за 50 км ад калоніі спецназ спыніў машыну брата Аляксандра Казуліна – Уладзіміра. Аўтамабіль абшукалі, ва Уладзіміра Казуліна забралі пасведчанне кіроўцы.
Акрамя таго, па дарозе з Віцебска быў спынены аўтамабіль з журналістамі, машыну абшукалі, у кіроўцы забралі пасведчанне.
Алена ГРЫНЯВІЦКАЯ
