Сёння а 18-й гадзіне дэмакратычныя актывісты вырашылі выйсці на Кастрычніцкую плошчу, каб у чарговы раз патрабаваць вызвалення Аляксандра Казуліна ды іншых палітвязняў. Асаблівасцю акцыі ёсць тое, што ўдзел у ёй павінны былі ўзяць людзі, што днямі распачалі эстафетную галадоўку.
Яе ўдзельнікі плануюць выходзіць штодзень на Кастрычніцкую плошчу штодня па вечарах да 25 сакавіка і заклікаюць далучацца да галадоўкі іншых. Хоць бы сімвалічна - на суткі.
Браты Сяргей і Аляксандр Скрабцы, а таксама Таццяна Ваніна прыйшлі на Кастрычніцкую плошчу сёння з плакатамі "Абвяшчаю галадоўку", з якімі прастаялі пару хвілін. Пасля падышлі міліцыянты, якія сказалі, што галадоўкі дрэнна адбіваюцца на здароўі. Пасля гэтага акцыя пратэсту скончылася, піша "Наша ніва".
