Ператрусы на кватэрах незалежных журналістаў і грамадскіх арганізацый прааментаваў Рацыі лідэр Беларускай сацыял-дэмакратычнай грамады Станіслаў Шушкевіч:
- Мяне гэта ніколькі не здзіўляе, паколькі наш рэжым - гэта не прававая дзяржава. Тут усё адбываецца ў адпаведнасці з жаданнем аднаго слабадасведчанага чалавека, які нічога, акрамя ўлады, мець не хоча. Падтрымку ЕС я адчуваю ўвесь час, але тут існуе вялікі альянс Расіі і нашага гэтак званага ўладара, гэтак званага ўсенароднаабранага. Я не думаю, што ўсе намаганні Еўрапарламента, гэтых прыстойных і сумленных дэпутатаў, неяк могуць зварушыць пазіцыю Расіі, а Расіі вельмі выгадна мець побач такога чалавек, які будзе казаць, што ён паставіць ракеты ў Венесуэлу, што ён будзе здзяйсняць супрацьпаветраную абарону Масквы і г.д. Я нядаўна быў у Страсбургу і ведаю, што еўрапейскія палітыкі імкнуцца зрабіць усё, што можна, але пакуль не будзе настойлівай заўвагі ў бок Расіі, што ўжо хопіць падтрымліваць гэты рэжым, які з’яўляецца ганьбай для чалавецтва, датуль тут нічога не зменіцца.
