Гэта рубрыка ў RSSУ судзе Кастрычніцкага раёну Мінска скончыўся разгляд адміністрацыйнай справы моладзевага актывіста Міхаіла Пашкевіча, затрыманага 28 чэрвеня на чыгуначным вакзале ў Мінску за нецэнзурную лаянку.
Суддзя Рыта Шаграй атрафавала Міхаіла Пашкевіча на 10 базавых велічыняў (350 тыс. рублёў), а журналістку Радыё Свабоды Любоў Лунёву на восем б.в. (280 тыс. рублёў). Абодвух — за непавагу да суду.
Як паведаміў Анатоль Лябедзька Любоў Лунёва шэптам адказала камусьці па тэлефоне, што цяпер яна знаходзіцца ў судзе, а Пашкевіча за тое, што заявіў: «Я на ідыёцкія пытанні не адказваю», паведамляе прэс-служба АГП.
Нагадаем, што моладзевы актывіст быў затрыманы ўвечары 28 чэрвеня ў Мінску, калі вяртаўся з паседжання палітрады АГП. Пашкевіча затрымалі на чыгуначным вакзале за нібыта нецэнзурную лаянку.
Хлопца адвезлі ў спэцпрыёмнік‑размеркавальнік на Акрэсціна, дзе пратрымалі дзве ночы.
Паколькі Міхаіл раней быў асуджаны да гэтак званай «хатняй хіміі» (Справа 14‑ці), то любое правапарушэнне можа пацягнуць за сабой зняволенне, паведамляе Наша Ніва.
