Гэта рубрыка ў RSSЯк паведамiў намеснiк старшынi праўладнага грамадскага аб'яднання, дэпутат Палаты прадстаўнiкоў Аляксандр Шацько, з'езд арганiзацыi плануецца правесцi ў кастрычнiку гэтага года, пасля парламенцкiх выбараў. Такiм чынам, праект стварэння арганiзацыi, якая б актыўна падтрымала ўладу на парламенцкiх выбарах, не ўдаўся. Нагадаем, што нядаўна Аляксандр Лукашэнка выступiў з рэзкай крытыкай таго, як людзей заганяюць у шэрагi арганiзацыi. Пасля гэтага дата правядзення з'езда некалькi разоў пераносiлася, а ў вынiку ён увогуле пройдзе ажно пасля таго, як будзе сфармiраваны новы парламент.
I ўсё ж Аляксандр Шацько сцвярджае, што "члены РГА "Белая Русь" маюць намер прыняць актыўны ўдзел у маючай адбыцца выбарчай кампанii, многiя будуць балацiравацца ў Палату прадстаўнiкоў шляхам збору подпiсаў выбаршчыкаў. Акрамя таго, члены грамадскага аб'яднання плануюць працаваць у складзе акруговых выбаркамаў, а таксама ў якасцi нацыянальных наглядальнiкаў прысутнiчаць на ўсiх выбарчых участках".
Па неафiцыйнай версii, вакол аб'яднання iдзе супрацьстаянне некалькiх прыўладных груповак, паведамляе "Народная Воля"
