Гэта рубрыка ў RSSЗарэгістраваныя кандыдаты ў дэпутаты могуць пачаць агітацыю. Пра гэта БелаПАН паведаміў сакратар Цэнтральнай камісіі па выбарах і правядзенні рэспубліканскіх рэферэндумаў Мікалай Лазавік.
- Перадвыбарная агітацыя пачынаецца адразу пасля рэгістарцыі кандыдатам у дэпутаты. Так што частка прэтэндэнтаў ужо можа пачаць яе, — зазначыў ён.
У адпаведнасці з беларускім заканадаўствам, кандыдат атрымлівае з бюджэту сродкі ў памеры 50 базавых велічынь на выраб перадвыбарных улётак.
Кандыдат у дэпутаты таксама зможа бясплатна апублікаваць сваю перадвыбарную праграму ў газеце і выступіць на радыё і тэлебачанні.
Выступленні па радыё і тэлебачанні будуць транслявацца ў запісе з 3 па 19 верасня. Тэлерадыёкампаніі абавязаны не толькі зрабіць запіс і трансляцыю перадвыбарных выступленняў кандыдатаў, але і інфармаваць гледачоў і слухачоў аб іх загадзя з указаннем нумароў акруг.
М.Лазавік таксама зазначыў, што ў выпадку зняцця сваёй кандыдатуры перад днём галасавання кандыдат абавязаны кампенсаваць дзяржаве выдзеленыя на яго агітацыйную кампанію сродкі, паведамляе БелаПАН.
