У школе № 11 Жлобіна праходзіць акцыя. З 12 лютага па 15 красавіка бацькі павінны здаць у школу грошы: за аднаго школьніка – 25.000 рублёў; за дваіх – па 20.000. За траіх вучняў трэба ўнесці па 15.000 рублёў.
Як паведаміў Рацыі Валерый Рыбчанка, бацька дваіх школьнікаў і лідэр мясцовых апазіцыйных камуністаў, такая ж самая акцыя праходзіць і ў другіх школах Жлобіна.
Інфармацыя аб разліковым рахунку і расцэнках на колькасць вучняў размешчана на інфармацыйнам стэндзе школы.
Цікава, што артыкул 49 Канстытуцыі гарантуе бясплатную агульную сярэднюю адукацыю.
Павел КАТВІЦКІ
