Сёння Беларуская Асацыяцыя Журналістаў узнагародзіць пераможцаў творчага конкурсу “Вольнае слова”, які арганізацыя ладзіла цягам 2007 года. Паводле ўмоваў конкурсу, усе лаўрэаты атрымаюць грашовыя прэміі.

Сам конкурс “Вольнае слова” адбываўся ў два этапы. У ім узялі ўдзел каля трох дзесяткаў журналістаў, якія даслалі ў БАЖ каля 150 тэкстаў у розных жанрах.

Удзельнікі журы кажуць, што спосаб ацэнкі, якім яны карысталіся, дазволіў максімальна абстрагавацца ад асабістага стаўлення і сканцэнтравацца на перавагах альбо хібах журналісцкага твору. Кожны тэкст ацэньваўся па 5-бальнай шкале. Колькасць балаў, набраная конкурсным тэкстам, стала вызначальнай пры выбары пераможцаў у намінацыях:

Найлепшы інфармацыйны матэрыял - Зміцер Панямонаў (“Еўрапейскае радыё для Беларусі”)

Найлепшая аналітычная публікацыя - Валер Карбалевіч (“СНплюс. Свободные новости плюс”)

Лепшая публікацыя літаратурна-мастацкага жанру - Сямён Печанко (“Наша Ніва”)

Намінацыя “Дэбют” - Зміцер Панкавец (“Наша Ніва”).