Гэта рубрыка ў RSSУ пракуратуру Мінска сёння выклікалі на допыт у якасці сведкі каардынатара тэлеканала "Белсат", сябру ўправы Беларускай асацыяцыі журналістаў Эдуарда Мельнікава.
Допыт тычыўся "справы аб мультфільмах", на падставе якой 27 і 28 сакавіка ў кватэрах беларускіх журналістаў супрацоўнікі КДБ правялі ператрусы. Допыт, які вёў следчы па асабліва важных справах Віктар Шабан, доўжыўся каля 40 хвілін.
Мельнікава распытвалі і пра яго прыналежнасць да “Белсату“. Ён паведаміў, што займаецца рэгістрацыяй прадстаўніцтва гэтага тэлеканалу ў Беларусі і робіць гэта тут афіцыйна. Мельнікаў таксама давёў следчаму, што не мае дачынення да справы Мультклубу.
