ААТ "Лідскае піва" ў ліпені ўвядзе ў эксплуатацыю новую лінію па разліву піва, паведаміў карэспандэнту БЕЛТА дырэктар па маркетынгу прадпрыемства Юрый Панчанка.

Лінія нямецкай вытворчасці дасць магчымасць разліваць піва ў ПЭТ-бутэлькі ёмістасцю 0,75 л, 1 л, 1,5 л і 2 л. Магутнасць абсталявання - да 18 тыс. бутэлек у гадзіну. А тэхналогія, што выкарыстоўваецца, дае магчымасць больш доўга захоўваць стойкасць піва, адзначыў Юрый Панчанка.
Інвестыцыйны праект па ўкараненню новай высокапрадукцыйнай лініі разліву каштаваў прадпрыемству 6 млн. еўра.
У першым паўгоддзі бягучага года тэмп росту выпуску піва склаў 115 працэнтаў у параўнанні з аналагічным перыядам мінулага года. Яшчэ больш высокімі тэмпамі павялічваецца вытворчасць безалкагольных напіткаў - прырост 40 працэнтаў. Цяпер доля безалкагольных напіткаў у структуры прадукцыі складае 40 працэнтаў і пастаянна расце. Найбольшым попытам карыстаецца квас, таму ў наступным сезоне плануецца павялічыць яго вытворчасць у два разы, паведамляе БЕЛТА