У Брэсце на мінулым тыдні скончыў жыццё самазабойствам студэнт 4 курсу гістарычнага факультэта Брэсцкага дзяржаўнага універсітэта. Хлопец быў знойдзены павешаным у кватэры, дзе пражываў.
Сярод студэнтаў факультэта пайшлі гутаркі, што здольны і старанны хлопец у апошні час вельмі хваляваўся ў сувязі з праблемамі, якія склаліся ў ягоных стасунках з адным з самых строгіх выкладчыкаў гістарычнага факультэта. Ён з цяжкасцю здаў яму залік у мінулым семестры, а ў гэтым чакаў экзамен, на якім выкладчык яго мог лёгка заваліць. У студэнцкім асяроддзі факт самазабойства 21-гадовага маладога чалавека атрымаў эмацыйны рэзананс. Аднакурснікі лічаць, што, магчыма, стаўленне да яго выкладчыка і стала апошняй кропляй. Дайшло да таго, што зараз студэнты маюць намер байкатаваць лекцыі гэтага выкладчыка, яны напісалі адпаведную заяву на імя рэктара.
Павел БЯРОЗАВЫ
