Нiбы з банка выходзiў з хлява вясковай пенсiянеркi 37-гадовы зладзюжка — тут ён разжыўся буйной сумай наяўных.
Паводле звестак аддзела iнфармацыi i грамадскiх сувязяў УУС Мiнаблвыканкама, здарэнне адбылося ў вёсцы Акцябр Салiгорскага раёна, дзе мясцовая 64-гадовая жыхарка, трэба меркаваць, не знайшла нiчога лепшага, як зберагаць грошы ў хляве. Якiм чынам пра гэту схованку празнаў яе аднавясковец — невядома, піша “Звязда”. Аднак у следства ёсць падставы падазраваць мужчыну ў тым, што менавiта ён вынес адтуль прыхаваны 1 мiльён рублёў. Праваахоўнiкi цяпер адшукваюць гэтага вяскоўца.
