Гэта рубрыка ў RSSПа справе аб "жывым шчыце" перад судом паўстануць толькі два інспектары ДАІ. Разглядаць справу будзе суд Мінскага раёна, і хутчэй за ўсё, разгляд пачнецца ў сярэдзіне наступнага тыдня.
У дачыненні да яшчэ двух супрацоўнікаў ДАІ крымінальная справа спыненая, паколькі пракуратура не знайшла ў гэтых дзеяннях складу злачынства – яны прыбылі на месца здарэння, калі п'яны кіроўца быў ужо спынены.
Адвакатка Вера Страмкоўская, якая прадстаўляе інтарэсы шасці чалавек, пацярпелых у выніку здарэння, адзначыла, што "усе шасцёра падалі грамадзянскі пазоў супраць ДАІ на суму 50 млн. рублёў кожны ў якасці пакрыцця маральнага урону. Цяпер працягваецца вышук Рамана Менцюка, які 14 сакавіка кіраваў аўтамабілем – для яго затрымання міліцыянты стварылі "жывы шчыт” з прыватных машын. П’яны кіроўца, не спыніўся і пратараніў ланцуг машын, у якіх былі людзі.
Артыкул, па якім супраць Менцюка ўзбуджаная крымінальная справа, прадугледжвае да двух гадоў пазбаўлення волі.
