Актывісты мінскага “Маладога фронту” сёння, напярэдадні 23 лютага – Дня абаронцы Айчыны і Дня Беларускай краёвай абароны, віншуюць ваенных камісараў.
Разам з віншаваннямі маладафронтаўцы перадаюць вайскоўцам і адмысловыя звароты.
“Нас не зусім задавальняе сённяшні стан беларускага войска. Справа тут не толькі ў прымусовым характары службы, але і ў абсалютным заняпадзе маральных і этычных каштоўнасцяў у беларускім войску. Таму мы хочам бачыць вобраз беларускага вайскоўца як адукаванага, выхаванага і прафесійнага”, - кажа лідэр сталічнай філіі “Маладога фронту” Зміцер Хведарук.
Ігар ОЛІН
