Учора па рэйках мінскага метро бегаў 27-гадовы мужчына

Ён саскоўчыў на іх у 21.42 з платформы на станцыі “Першаймайская” і пабег у бок станцыі “Пралетарская”, дзе быў затрыманы ў 22.03.

Затрымка цягнікоў з-за здарэння склала 12 хвілін, паведамілі Рацыі ў ГУУС Мінгарвыканкаму.

Злоўлены аматар пагуляць па метрапалітэнаўскіх рэйках, які працуе рабочым на адным са сталічных прадпрыемстваў, накіраваны на агляд у псіхіятрычную лякарню “Навінкі”.