Міністры ЕЗ заклікалі Вялікабрытанію як найхутчэй пакінуць Еўразвяз



Краіны Еўразвязу заклікалі Брытанію хутка правесці перамовы аб выхадзе з блока па выніках агульнанацыянальнага рэферэндуму аб членстве ў ЕЗ.

У суботу, 25 чэрвеня, у Берліне ў суботу прайшло экстраннае пасяджэнне прадстаўнікоў шасці краін-заснавальніц ЕЗ.

NIE412. Berlin (Germany), 25/06/2016.- German Foreign Minister Frank-Walter Steinmeier (3-L), his French counterpart Jean-Marc Ayrault (3-R), his Dutch counterpart, Bert Koenders (2-R), his Italian counterpart Paolo Gentiloni (L), and his Belgian counterpart Didier Reynders (2-L) and his Luxembourg counterpart Jean Asselborn (R) pose for a family group photo in front of the Villa Borsig in Berlin, Germany, 25 June 2016. The Foreign Ministers of the six founding members of the EU met one day after the outcome of the referendum on the British EU membership. A slim majority of 51.9 percent voted in favor of leaving the European Union. (Luxemburgo, Luxemburgo, Alemania) EFE/EPA/KAY NIETFELD

Прэм’ер-міністр Вялікабрытаніі Дэйвід Кэмэран раней заявіў, што пакіне свой пост да кастрычніка, каб ягоны пераемнік змог удзельнічаць у перамовах.

«Мы заяўляем ўсе разам, што гэты працэс павінен пачацца як мага хутчэй, каб пакласці канец няпэўнасці і дазволіць нам сканцэнтравацца на будучыні Еўропы», — сказаў міністр замежных спраў Германіі Франк-Вальтэр Штайнмаер.

Ягоны галандскі калега Берт Кундерс адзначыў, што палітычны вакуум непрымальны для кантынента. «Мы павінны перагарнуць старонку», — сказаў міністр замежных справаў Нідэрландаў.

У той жа час канцлерка Нямеччыны Ангела Меркель заявіла: «Гэта, вядома, не павінна цягнуцца бясконца, але я не буду настойваць на найкарацейшых тэрмінах».

Яна дадала, што няма неабходнасці весці перамовы ў адкрыта нядобразычлівай манеры.

У сераду, 29 чэрвеня, на наступны дзень пасля перамоваў Кэймэрана з еўрапейскімі калегамі, пройдзе першы саміт лідэраў ЕЗ без Вялікабрытаніі.

ББС