10 найбольшых дасягненняў беларусаў за суверэнны час на летніх алімпіядах



Напярэдадні алімпіяды ў бразільскім Рыа-дэ-Жанэйра Беларускае Радыё Рацыя прадстаўляе сваю версію дзесяці найбольш важкіх нацыянальных дасягненняў айчынных спартоўцаў на летніх гульнях за суверэнны час. Падаем гэтыя заваёвы ў храналагічным парадку.

 27 ліпеня 1996 – На алімпіядзе ў Атланце (ЗША) Кацярына Хадатовіч стала чэмпіёнкай у акадэмічным веславанні ў лодцы-адзіночцы на дыстанцыі 2000 метраў. Першае алімпійскае золата ў суверэннай гісторыі.

Хадатовіч

23 верасня 2000 – На алімпіядзе ў Сіднэі (Аўстралія) Кацярына Карстан (Хадатовіч) другі раз стала чэмпіёнкай па акадэмічным веславанні ў адзіночцы.

 28 верасня 2000 – На алімпіядзе ў Сіднэі Яніна Карольчык стала чэмпіёнкай у штурханні ядра.

13

19 жніўня 2004 – На алімпіядзе ў Афінах Ігар Макараў стаў чэмпіёнам па дзюдо ў вагавай катэгорыі да 100 кг.

21 жніўня 2004 – У Афінах Юлія Несцярэнка (дзявочае Барцэвіч) з вынікам 10,93 секунды стала алімпійскай чэмпіёнкай па бегу на 100 метраў. “Белая маланка” здзейсніла тады найбольш гучную сенсацыю алімпіяды ў Грэцыі.

18 жніўня 2008 – На алімпіядзе ў Пекіне штангіст Андрэй Арамнаў усталяваў аж тры сусветныя рэкорды і стаў абсалютным чэмпіёнам у катэгорыі да 105 кг.

 22 жніўня 2008 – На алімпіядзе ў Пекіне беларускія весляры заваявалі два залатыя медалі. Браты Андрэй і Аляксандар Багдановічы перамаглі на каноэ на дыстанцыі 1000 м., а экіпаж байдаркі-чацвёркі (Раман Петрушэнка, Вадзім Махнёў, Аляксей Абалмасаў, Артур Літвінчук) перамог таксама на дыстанцыі 1000 м.

Belarus' Andrei Bahdanovich, right, and Aliaksandr Bahdanovich react after winning the cane double C2 1000M men's race at the Beijing 2008 Olympics Friday, Aug. 22, 2008. (AP Photo/Kevork Djansezian)

22 жніўня 2008 – На алімпіядзе ў Пекіне дзесяціборац Андрэй Краўчанка здабыў сярэбраны медаль, што ў такім прэстыжным відзе лёгкай атлетыкі як шматбор’е, з’яўляецца надзвычай высокім дасягненнем.

1

3 жніўня 2012 – На алімпіядзе ў Лондане Сяргей Мартынаў стаў чэмпіёнам па кулявой стральбе ў практыкаванні лежачы (адлегласць 50 метраў) з малакалібернай вінтоўкі.

Sergei Martynov of Belarus waves as he wears his gold medal won in the Men's 50m rifle prone shooting event at the London 2012 Olympic Games at the Royal Artillery Barracks August 3, 2012.  REUTERS/Sergio Moraes (BRITAIN  - Tags: OLYMPICS SPORT SHOOTING)   - RTR360A1

5 жніўня 2012 – На алімпіядзе ў Лондане Вікторыя Азаранка і Максім Мірны сталі чэмпіёнамі ў тэнісным міксце. У фінале змешанага парнага разраду яны адолелі брытанскі дуэт Эндзі Марэй – Лаура Робсан.

1

Беларускае Радыё Рацыя