Алесь Бяляцкі прэзентаваў сваю кнігу ў Варшаве



Беларускі праваабаронца Алесь Бяляцкі прэзентаваў сваю кнігу ў Беларускім Доме ў Варшаве.

BB2015-05-29_Zavalnia_Bialacki_fota (1)

“Халоднае крыло Радзімы” – такую назву даў аўтар свайму зборніку, які ўключае ў сябе ўрыўкі з лістоў, якія былі напісаныя ў калоніі, эсэ, інтэрв’ю, успаміны. Значная частка кнігі была напісана падчас зняволення, сярод зместу Алесь Бяляцкі асабліва адзначыў успаміны з 80-ых і 90-х гадоў:

– Найбольш удалым атрымалася тое, што я напісаў у турме. Прыкладна 200 старонак гэтай кнігі былі напісаныя ў калоніі. У кнізе ёсць успаміны пра дзейнасць у падпольных беларускіх гуртках у 80-я гады, пра пачатак 90-х – тое, што зараз ужо з’яўляецца гісторыяй Беларусі. Пра яе новае пакаленне можа нават і не ведае.

Падчас прэзентацыі ў Беларускім Доме кнігу Алеся Бяляцкага можна было набыць за любы кошт, сродкі, атрыманыя за продаж будуць накіраваныя на дапамогу беларускім палітзняволеным .

Адам Завальня, Беларускае Радыё Рацыя, Варшава

Фота аўтара