Дальнабойнікі пачалі марш на Маскву



Дальнабойнікі з некалькіх рэгіёнаў Расіі, якія пратэстуюць супраць платы за праезд грузавікоў па федэральных трасах, пачалі марш на Маскву. Акцыю ў Маскве кіроўцы збіраюцца правесці 30 лістапада. А кіраўнік КПРФ Генадзь Зюганаў паведаміў пра правядзенне 5 снежня мітынга ў падтрымку кіроўцаў.

У многіх рэгіёнах Расіі паліцыя затрымлівае дальнабойнікаў і арганізатараў акцый. Напрыклад, у Пецярбургу затрымалі Аляксандра Растаргуева, падставай для гэтага стаў неаплачаны травеньскі штраф. Напярэдадні да яго прыходзілі з ператрусамі.

Удзельнікі пішуць у сацсетках, што супрацоўнікі ДПС і АМАП перайшлі на ўзмоцненую працу, грузавыя аўтамабілі не прапускаюць і адпраўляюць назад, кіроўцам перакрываюць дарогі.

Аднаго з арганізатараў акцый у Ніжнім Ноўгарадзе затрымалі на пасту ДПС. Там сабраліся іншыя пратэстоўцы.

Дальнабойнікі Валагодскай вобласці паведамляюць, што паліцыя блакуе праезд на пастах і адпраўляе машыны на стаянку.

Некаторыя кіроўцы выязджаюць з рэгіёну на легкавых аўтамабілях.

Наша Ніва, паводле tvrain.ru