Польска-беларускі квесцінг у Бельску Падляшскім



Квест-арыентаванне адбываецца ў межах праекта “Questing – экспедыцыя адкрывальнікаў. Адукацыйная мясцовая гульня як прастора спазнання польскай і беларускай моладдзі”.

DSC_3268

„У Бельску Падляшскім ужо прайшлі супольныя майстр-класы, і гэта было цікава”, – кажа Паліна, якая прыехала з Берасця:

– Квесцінг – гэта на мой погляд новае рашэнне, з дапамогай якога можна больш даведацца пра горад. Мы прапануем нейкі маршрут, які звязаны паміж сабой адной тэмай. Чалавеку даецца мапа, па якой робячы крок за крокам ён даведваецца новую інфармацыю, у форме гульні ён знаходзіць шмат новага ў горадзе.

Партнёрамі трансгранічнага праекта з’яўляюцца: Музей у Бельску Падляшскім, Бельскі комплекс школ з дадатковым вывучэннем беларускай мовы і гімназія № 3 у Берасці.

Давід Гайко, Беларускае Радыё Рацыя