У Беластоку зладзілі Беларускую патанцоўку



Беларуская патанцоўка „Аксамітны летні вечар” прайшла ў Беластоку ўжо трэці раз. Зараз арганізатары падрыхтавалі адмысловы сюрпрыз. На адной сцэне сустрэліся Пётр Скепка і Дымітрый Ціханюк з гурта “Дубіны” ды Dawid Szymczuk Band і Ілона Карпюк, якія прадставілі сваё бачанне вядомых хітоў “Дубіноў”.

13444008_1203990299646040_563662904_n

Кажа спявачка Ілона Карпюк, якая выступіла у нязвыклай для сябе ролі фольк-выканаўцы:

– Гэта знакавы калектыў, “Дубіны” трэба лічыць гуртом пералому ў музыцы тут, на беларускай Беласточчыне. Таму ідэя вярнуць іхны рэпертуар і ўвогуле ідэя, каб сустрэўся на сцэне Беларускай патанцоўкі арыгінальны склад “Дубіноў” і тое, што ўсё атрымалася, гэта проста цудоўна. Гэты момант для нас гістарычны і сімвалічны!

Арганізатары патанцоўкі „Аксамітны летні вечар” адзначылі, што ў наступным годзе ідэя мерпарыемства можа некалькі змяніцца. І магчыма, сама патанцоўка будзе толькі яго часткай.

Potańcówka Białoruska-3

Potańcówka Białoruska-5

Potańcówka Białoruska-27

Potańcówka Białoruska-38

Potańcówka Białoruska-40

Potańcówka Białoruska-42

Мілана Вераснёва, Беларускае Радыё Рацыя, Беласток

Фота аўтара і Пятра Недзведзя