У Старым Корніне ўшанавалі памяць Святой Ганны



7-га жніўня праваслаўныя вернікі, якія карыстаюцца юліянскім календаром, ушаноўваюць памяць Святой Ганны. Гэтае свята асабліва адзначаюць у Старым Корніне на Гайнаўшчыне.

CIMG4287

Гаворыць настаяцель мясцовага прыхода Арханёла Міхаіла айцец Мікалай Маркевіч:

– Корнін заўсёды быў звязаны з гэтым святам. Тут была цудатворная ікона Божай Маці, якая пасля была вывезена. Святая Ганна не мела дзяцей. І ў старасці Гасподзь паслаў ёй гэтую вялікую радасць – нараджэнне Маці Божай.

Багаслужбу ў Старым Корніне ўзначаліў мітрапаліт Варшаўскі і ўсяе Польшчы Сава.

CIMG4138

У час урачыстасцяў асвяцілі таксама памятную дошку, прысвечаную 385-годдзю існавання царквы Арханёла Міхаіла.

Мацей Рацінеўскі, Беларускае Радыё Рацыя

Фота аўтара