Літва дапаможа Латвіі змагацца з нелегальнай міграцыяй
Літва накіруе на латвійска-беларускую граніцу падмацаванне з прычыны рэкорднага наплыву нелегальных мігрантаў. Пра гэта піша партал Дэлфі са спасылкай на намесніка міністра ўнутраных спраў Літвы Арнольдаса Абрамавічуса. Пакуль дадаткова Літва выдзяляе 20 супрацоўнікаў пагранічнай службы.
-
Фота: gorod.lv
За мінулыя суткі латвійскія службы папярэдзілі рэкордную сёлета колькасць спроб нелегальнага перасячэння граніцы – 256. З пачатку верасня такіх спроб было больш за адну тысячу, а з пачатку года – амаль восем тысяч. Калі казаць пра ўсе дзяржавы Еўразвязу, якія мяжуюць з Беларуссю, то сёлета яны зафіксавалі больш за 30 тысяч спроб нелегальнага перасячэння граніцы.
Беларускае Радыё Рацыя
