A1 Telekom Austria не збіраецца сыходзіць з Беларусі



A1 Telekom Austria Group не збіраецца пакідаць беларускі рынак у сувязі з сітуацыяй з арыштам прэс-сакратара беларускай „дачкі” кампаніі Мікалая Брэдзелева. Пра гэта ў інтэрв’ю агенцтву APA заявіў старшыня праўлення A1 Telekom Austria Group Томас Арнольдэр, піша finanzen.at.

Wien

У матэрыяле гаворыцца, што Telekom Austria дабілася моцнага скачка прыбытку ў 2021 годзе.

„Такімі тэмпамі росту мы яшчэ раз даказалі, што з’яўляемся адной з самых хуткарослых кампаній у еўрапейскім тэлекамунікацыйным сектары”, – заявіў старшыня праўлення A1 Telekom Austria Group Томас Арнольдэр.

Паводле слоў Арнольдэра, бізнес у Беларусі прыносіць прыкладна дзясятую частку даходаў.

„Беларусь – важны для нас рынак, мы працуем там вельмі паспяхова ўжо шмат гадоў”, – падкрэсліў ён, адзначыўшы, што сыход кампаніі з Беларусі не абмяркоўваецца.

[manual_related_posts]