Беларусь і Расея падпісалі дамову аб пастаўках газу

2 месяцы таму

Выдрукаваць Пракаментаваць (0) Падзяліцца

Расейскі „Газпром” і ўрад Беларусі падпісалі пратакол, якім вызначаны парадак фармавання цэн пры пастаўцы прыроднага газу ў Беларусь у 2020 годзе.

Дакумент падпісаны 14 лютага ў Санкт-Пецярбургу на рабочай сустрэчы старшыні праўлення ПАТ „Газпром” Аляксея Мілера з паслом Беларусі ў Расейскай Федэрацыі Уладзімірам Сямашкам і беларускім міністрам энергетыкі Віктарам Каранкевічам.

Бакі разгледзелі пытанні супрацоўніцтва ў газавай сферы, паведамляе прэс-служба „Газпрома”.

31 снежня мінулага года „Газпром” і ўрад Беларусі падпісалі пратакол аб цэнах на газ на студзень—люты 2020 года і дапаўненні да кантрактаў на транзіт і пастаўку паліва, якія працягваюць іх да 2021 года. Згодна з дакументам кантрактныя аб’ёмы паставак і транзіту ў 2020 годзе захаваныя на ўзроўні 2019 года.

У студзені—лютым Беларусь атрымлівае газ па цане 2019 года, якая складае 127 долараў ЗША за 1 тыс. куб. м.

У выніку перамоў з удзелам Аляксандра Лукашэнкі і Уладзіміра Пуціна 7 лютага ў Сочы была дасягнутая дамоўленасць аб захаванні гэтай цаны для Беларусі на працягу 2020 года.

belapan.by

Фота gazprom.ru