Беларусь знізіла экспартную пошліну на калійныя ўгнаенні



Стаўка вывазной мытнай пошліны на калійныя ўгнаенні зніжана ў Беларусі з 55 еўра да 20 еўра за 1 тону. Адпаведнае рашэнне змешчана ва ўказе ад 6 чэрвеня 2017 года нумар 202.

Згодна з дакументам, з 1 красавіка па 31 снежня 2017 года стаўка вывазной мытнай пошліны на калійныя ўгнаенні, вывозімыя з тэрыторыі Беларусі за межы мытнай тэрыторыі Еўразійскага эканамічнага саюза (за выключэннем калійных угнаенняў, вывозімых у Азербайджанскую Рэспубліку, Грузію, Рэспубліку Сербія і Туркменістан), устаноўлена ў памеры 20 еўра за 1 тону.

Савету Міністраў пры падрыхтоўцы праекта нарматыўнага прававога акта аб удакладненні асобных паказчыкаў рэспубліканскага бюджэту на 2017 год даручана ўлічыць палажэнні гэтага ўказа.

Дакумент уступае ў сілу з дня яго падпісання і распаўсюджвае сваё дзеянне на адносіны, што ўзніклі з 1 красавіка 2017 года.

belta.by