Беларускі „Альфа-Банк” аднавіў працу сваіх карт за мяжой



„Альфа-Банк” (Беларусь) аднавіў працу сваіх картак міжнароднай плацёжнай сістэмы Visa за мяжой. Раней, 17 траўня, была адноўленая праца за мяжой выпушчаных „Альфа-Банкам” карт Mastercard.

„Цяпер аплаціць пакупкі можна звычайнай дэбетовай, карпаратыўнай або крэдытнай картай Visa або Mastercard”, – адзначылі ў прэс-службе банка.

У той жа час у банку папярэдзілі, што пры аплаце пакупак за мяжой банк, які абслугоўвае краму, „можа адхіліць трансакцыю”, калі не працуе з картамі, выпушчанымі ў Беларусі.

7 красавіка беларускі „Альфа-Банк” заявіў, што яго не закранаюць уведзеныя ЗША абмежаванні ў дачыненні да акцыянера – аднайменнага банка ў Расеі. Падкрэслівалася, што беларускі банк – гэта „асобны бізнес у складзе міжнароднага кансорцыўма”, супраць яго „якіх-небудзь абмежаванняў не ўводзілі”. Разам з тым 27 красавіка банк паведаміў, што прыпыняе міжнародныя пераводы ў далярах з 6 траўня.

[manual_related_posts]