Турэцка-беларускі бізнес-форум пройдзе 16 красавіка ў Анкары



Турэцка-беларускі бізнес-форум, падчас якога будуць разгледжаны перспектыўныя кірункі двухбаковага гандлёва-эканамічнага супрацоўніцтва, пройдзе ў Анкары 16 красавіка, гаворыцца на сайце Беларускай гандлёва-прамысловай палаты.

Мерапрыемства праводзіцца Беларускай гандлёва-прамысловай палатай пры садзейнічанні Савета па знешнеэканамічных сувязях пры Міністэрстве эканомікі Турцыі (DEIK) у мэтах пашырэння кантактаў беларускага бізнесу з турэцкімі кампаніямі, садзейнічання развіццю ўзаемавыгаднага двухбаковага ўзаемадзеяння і рэалізацыі сумесных праектаў у розных сферах.

Удзельнікі форуму атрымаюць магчымасць правесці перамовы з турэцкімі партнёрамі, абмеркаваць узаемадзеянне ў такіх перспектыўных сферах, як машынабудаванне, металаапрацоўка, нафтахімія, дрэваапрацоўка і вытворчасць мэблі, лёгкая прамысловасць, будаўніцтва і вытворчасць будматэрыялаў, інфармацыйна-камунікацыйныя тэхналогіі, лагістыка, турызм і іншыя.

zviazda.by